இறங்கிய போதுதான்
நினைவுக்கு வந்தது
டிக்கெட் எடுக்காதது..!!
*********************************************
சத்தம்
அந்த பட்டாசு சத்தங்களூடே
மறைந்து போனது
ஏழை சிறுவனின் விசும்பல்.!!
*********************************************
குடிநீர்
காசு கேட்டு அடிவிழுந்தது
தண்ணியடிக்க..
காசு கொடுத்து தண்ணீர் வாங்கினாள்
சோறு சமைக்க..
*********************************************
பணம்
வேர்த்த வேர்வையும்
விட்ட கண்ணீரும்
பணமாய் இன்று,
கந்துகாரன் கைகளில்!!
*********************************************
கண்டுபிடிப்பு
நிலவில் கண்டுபிடித்தது
தண்ணீரில்லை
தோற்ற காதலர்களின் கடைசி
கண்ணீர்..!!
*********************************************
தாய்பால்
பிள்ளைக்கு
அவள் ரத்தம் பாலானது
ரத்தவங்கி தந்த பணத்தில்..!!
*********************************************
மகிழ்ச்சி
அகமகிழ்ந்தாள் அம்மா..
பிள்ளை அழகாய் நடக்கிறான்,
...
செயற்கை கால்களை கொண்டு.
*********************************************
முத்துசரம்
அவர் அணிவித்த சரம்
மகள் கழுத்தில் இன்று
அன்பு சீதனமாய்..!!
*********************************************
தமிழரசி
பிறந்து பெற்றெடுத்தேன்
பெற்றடுக்காத இந்த தாயை!!
14 comments:
சிலது வலி.
சிலது சிலிர்ப்பு.
கடைசி நெகிழ்வு.
மொத்தத்தில் அருமை. தொடருங்கள் ரங்கன்.
நல்லா இருக்கு ரங்கா......
:-)
தாய்ப்பால், பற்றிய கூ அருமை
அவள் என்ன மாற்றாந்தாயா? ஏன் தாய்ப்பால் கொடுக்கவில்லை.
இல்லை ரத்தம் வித்த காசில் சாப்பிட்டு, அதனால் பால் கொடுக்கிறாளா? புரியலையே
//பிறந்து பெற்றெடுத்தேன்
பெற்றடுக்காத இந்த தாயை!!//
அடடே
ஆச்சர்யகுறி!
ரசித்தேன், ரசித்தேன், ரசித்தேன்
ஹாய் ரங்கா
நல்லாவே எழுதறீயே
தொடர்ந்து எழுது
நல்வாழ்த்துகள்
//
வேர்த்த வேர்வையும்
விட்ட கண்ணீரும்
பணமாய் இன்று,
கந்துகாரன் கைகளில்!!
//
சரியா சொல்லி இருக்கீங்க!
அந்த வியர்வையின் கஷ்டம் கந்து வட்டிகாரனுக்கு எங்கே தெரியப் போகுது :(
//
அகமகிழ்ந்தாள் அம்மா..
பிள்ளை அழகாய் நடக்கிறான்,
...
செயற்கை கால்களை கொண்டு.
//
அவனுக்கு மனது முழுக்க வேதனை:(
ஆனால் அன்னைக்கோ வேதனை கலந்த மகிழ்ச்சி :)
சரிதானே நான் சொல்லறது?
//
அவர் அணிவித்த சரம்
மகள் கழுத்தில் இன்று
அன்பு சீதனமாய்..!!
//
அருமை அருமை முத்துச் சரத்திற்குதான் எவ்வளவு மகிமை!
//
பிறந்து பெற்றெடுத்தேன்
பெற்றடுக்காத இந்த தாயை!!
//
இந்த வரிகளை மிகவும் ரசித்தேன்!
வாழ்த்துக்கள் ரங்கா அருமையா எழுதி இருக்கீங்க!
வார்த்தையில் கோர்த்த முத்துச்சரம் அழகோ அழகு கடைசி கவிதை கண்ணீர் முத்தை சிந்த வைத்ததடா மகனே....இதை கோர்க்காதே தெரித்தோடட்டும் நம் அன்பைப் போல..
அத்தனை கவியும் அழகு
குறிப்பாய் தாய்பால் பற்றிய கவி அற்புதம்
தாய்ப்பால், மகிழ்ச்சி - ரெண்டும் ரொம்ப அழகு.
அன்பின் ரங்கா - அனைத்துமே அருமை - சத்தம், பேருந்து, பணம், கண்டுபிடிப்பு, குடிப்பு, தாய்ப்பால், மகிழ்ச்சி, முத்துச்சரம், தமிழரசி அனைத்துத் தலைப்புகளுமே குறுங்கவிதைகளின் கருத்துகளைப் பிரதிபலிக்கின்றன. - நல்வாழ்த்துகள் - நட்புடன் சீனா
Post a Comment
வாங்க.. படிச்சாச்சா? அப்படியே உங்க கருத்தையும் சொல்லுங்க.. அது தான் நமக்கு டானிக்.